昨晚到我發力,買九場中七場,尾四場收哂,收入算不錯了
如兄弟有跟少少應該都收穫唔錯,
其實最希望大家都知道賭波是長期作戰,盤路要捉到,
差不多就是一個和開盤手的智力遊戲,佢地做這麼多資料收集,
無非就是想我地買唔中佢心目中個辦.
以下是我度波的過程,繼續和兄弟們分享一下(有無姊妹們真係唔知)
1.先在初盤開時,把ball365.com的初盤(即是大家見到我常post上來的那個),先用小畫家復製,如下(當然只要你想買的賽事)可以臨場開場前一至二小時用來比較
2.當有想研究的場次,先看３６５裡面的歐州倍率(標準盤),我只看澳門,威廉希爾,立博.易勝博,當然還有最低下邊嗰個平均值啦,係裡面就比較到馬會在標準盤的水位和其他庒家的分別(馬會嗰網比較低能,開績王嗰網會方便好多),而威廉希爾是只開標盤的庒家,它的標盤初盤经常是其它庄家水份升跌的指標,也是经常客隊鬼盤裡客勝開出特別低的一家(昨日西維爾就是一例,在365裡的綜合復查可以找回前一天的盤),所以這家是必看,它也比較少轉標盤,如轉得的話大家要留意了.
3.然後就當然是看365裡面的亞州盤,打開有左右兩面,右面是初盤,左是即場
(當然如你只看澳門,首頁己有)除首頁的四家,我會看易勝博,力霸兩家,亞州盤用來比較馬會讓球和讓球主客和的,鬼盤也是這裡看出來.澳門在讓球方面,盤手好有經驗,往往臨場(即一至兩小時,有時只有幾分鍾)改盤,也有主客和大幅改變,作用當然是減低被其他庒家射飛和減少倍率令自己輸少啲的機會,開出上盤半球高水轉平半低水,開下盤時主讓半球轉半一高水俾你買(前天找卡數又係咁中伏).所以大家要多留意.
４.在３６５裡面還有績睇(上面圖有個"析"按下就出來),我看績只看主隊主場,客隊作客(裡面有得揀的),睇績有三個用途,一是看主客隊近績來比較開盤是否合理,(如昨夜卡坦尼亞嗰場,主隊主場不敗,客隊客場不勝,開平半還高水是一個好例子),二是主客兩隊入波失波的盤路(如亞深嗰,唔大真係有鬼),三就是兩隊上次在這讓球盤的表現.有些波讓半球都成日贏,平半都成日輸,在這裡可以看到二十場好足夠了(但記住聯賽和杯賽數字不可以混為一談)
５.做好了以上準備工夫,大家就會有揾到自己心水的幾場,然後在臨場睇飛比較,再結合陣容,才决定出唔出手,勝算就自然提升了....
上面是過程,當然要熟習和不斷改變自己頭腦,溫故知新,
記住睇波好重要的,多睇才知球隊實力(我不是希望大家賭走地),但有乜重要球員,下次有冇出才重要,睇波賭波其實是兩回事,不能感情累事,最好鍾意嗰隊就買少啲,我鍾意巴塞,不過好少重心買佢,一百幾十無所謂啦.
希望大家如有深入問題可以提出來討論,支持下我,當有足夠問題討論,有時間小弟當然就會再續....
當然揾多啲朋友睇我就更好,平心而論,寫這個ＢＬ○Ｇ,
識到大家講到尾也是個緣份,.....
係呢度多謝一直以來有看我的朋友,雖然sina不可以
把我這種主題ＢＬ○Ｇ
放在主題或者排行榜,所以好多人都冇機會分享度,
不過都叫做有人答吓我,
而大家又一直殺咗馬會咁多都認真唔錯.哈哈
下次想講吓我點買法??大家有冇興趣??(待續)...
瑞超三場,兩場例行公事,三場飛數都有變化仲好嚇人tim,
瑞超得番最後幾場,唔中無仇報的,大家都小心啲,
北歐波已经放棄好耐,始終佢地我地都無睇過,我三場都唔會買,不過睇吓自己估成點?
佐加頓斯william hills 同澳門其實初盤都無咁熱,落完咁耐都係一球高水,大又落,其實點解佢主場一定會嬴哂??都無セ所為,嬴一粒有可能走盤,應唔會和波,估單先
AIK仲痴,轉咗盤,半粒低水轉半一低水,澳門仲痴一球了,個個都覺得AIK贏了這場有機會攞冠軍,你知我知,睇飛數就全世界都知,初盤都有1.70-1.85,庄家唔知？冇可能,小心睇績主隊一季主場12場只输3場,客隊12場也只贏4場,其實讓半球巳好盡,當然我地主觀心願AIK想嬴冠軍會去馬,主隊冇鬥心了,但這是我地唸,唔係我哋落去踢,買AIK的話就客勝好了,嬴一球又係三分,十球都係三分姊,提提大家其實主隊12場主場是沒有連輸２次盤的,我估係細,因為客隊咁落,大都唔旭,邊有咁奇?
馬模公認係今年西波,客隊又剛被大炒一場,澳門客勝竟然落到2.75?咁奇?受讓平半低水,如不轉盤,我估下盤的.
今日得一場英超,曼城對米堡,主隊已經自從９７年到現在未贏過對手,初盤係讓平半高水,現在落咗少少到中水,睇績下盤個個都會買,曼城上次输到儍咗,三埸不勝了,客隊兩連勝了,綜合來讓平半是因曼城主場2勝2和未輸過,米堡作客又未開糊,其實我都覺得幾難攪,可以唔買都唔好買,明天大把好路,難買當然就博好倍率啦,主客和都好難,睇返上年兩隊主客成績,你會發覺曼城19場只和2次,米堡多啲19場和4次,這場波點睇都唔似兩隊差好遠,一球上落,買個單試試1.90
單1.90 X 2
尋日逆思考都中到個單,都算有啲運仔,今晚又來歐聯,大家又要捱夜了,講到尾歐聯真係好好睇,每踢一埸就小一埸,但好唔好賭真係見仁見智了,
今晚澳門讓球只開三場,可想而知啲波有幾熱呢!
其實去到第四圈有啲球隊已經快上岸,去不去盡難講,好似車仔,曼魚,拜神,里昂,華西都九分,攞多一兩分都夠皮,之後仲有場主場,真係任佢嚟唔嚟,所以想買都係有陣才好落手. 而唔夠分的當然會去馬,歐聯這些大賽嬴到,晉到級大把錢落袋,好少玩嘢,所以大球會都唔會咁傻,入到８强４强就難講(因為注碼比現在會勁好幾十倍)
先講國米,衰波一隊,得三分今次唔贏要收檔,初盤下盤鬼盤,好快客勝已經不斷落飛,
名牌仍然叫座,有庄更已經客勝1.8樓下...返到屋企,國米得1.7,信可以買,但你會唔覺得這個倍率買這隊波好唔值?我這場買走地,國米有2.3以上買x1,這隊波係值咁多了
巴塞初盤大部份係平半低水,有兩三間包括馬會係半球,現在望埋去係鬼盤,不過其實如果只差0.01-0.05左右,而初盤又唔係,鬼盤唔算成立,千祈咪攪錯,我唸這場波只在乎車仔想點,冇壓力,有一分巳經穩陣,巴塞唔同,得一分就仆街,下次又一定要贏雲達,因為車仔有十分隨時對雲達放水,咁巴塞死了就死得人多了(當然除咗庄家) .....返來後依然車仔有飛,巴塞繼續回少少,我偏少少巴塞大家都知,所以大家唔好跟吖,不過當然我也有數據,記不記得上年巴塞主場時射門次數?係二＋七對四,現在這場大戰大庄讓半粒,細庄讓平半?大庄派一半俾細庄?這個只是逆思考,所以自己也想想.
巴塞 win 1.95 x 5
(如有睇的朋友會覺得今年的巴塞巳不是上年哪一隊了,
雖然隊員只有一個分別,但巳少了以往一份決心鬥心 )
華西正宗鬼盤,特別易勝博一開已經差十點水,到時再睇,提一提馬會主勝3.25差不多已經是全球最低的 ...現在也一樣,信吓鬼盤,自己信和多.
薩克達+1 1.75 x2 
和3.25x2
利物浦,雲達不來梅兩隊其實都穩陣,只是太熱,我不會介紹的,費事變KK
(中又唔買,抵自己死!哈哈)
係今日賭波前介紹吓馬仔心水先:
３場11 友誼第一, 6場4 春風化雨, 7場６太陽帝國, 三串四位置, 三串七獨贏
炒哂
尋日真係開一半半,4上4下,３隊９分的都和哂,你話係咪好橋呢?
今晚慢魚同黎明又係這類,又要小心啲 .
先講鬼盤，賓菲加對些路迪,初盤賓菲加讓半粒中高水,鬼盤客隊,客隊外面飛也一直落,
馬會客勝已去到3.65了,睇形勢些路迪一分都得,和就守得住3.3咁好分,
威廉希爾主勝1.72卻一點也未旭過,主隊其實冇三分等於攞行街紙,和冇意思,
所以個單數有唸唸,畢竟些路迪作客 + 冇加維臣防中,真係好難信得過.
