昨晚收番三場,今晚大家又點睇?意杯,西杯,荷蘭杯真係咪攪我,度下面９場夠了 ,尋晚有錢收都為避咗啲強隊,曼魚些仔尋日又攪嘢,兩隊入歐聯後輸這些杯仔,所以我成日都提住對佢地來講,點強都要放棄一些賽事,一隊波點可能場場去,名牌波就因為有叫座力所以熱,也因為可以打４,５場好好,搭好雞棚等羊仔入虎口,然後輸幾場退熱又殺到飛起,讓球半兩球都得,皇馬過去就係咁搵食,佢地一班波如果只用正途球會收入,有冇可能維持到?攪波嗰個係紅十字會咩?再加上名牌佢地自己有個Ｇ14定16,四四六六度點數就仲仆街,所以長買名牌都係冇命,始終度盤才正路,因為對手係庄家,唔係踢嗰廿二件.
今晚係介紹波之前又想寫吓自己嘢,都唔知你地會唔會有興趣睇的,其實足球博彩買法對我這種人來講係好簡單,除之波膽外,所有都係單場,最多就只是 2x1,3x4,沒其他的(當然記擂台就可以亂買三四關).許多身邊朋友同我講,咁買又點發達?我會答返佢發達點解你唔去買六合彩,三Ｔ,或者讀好啲書呢?
波可以是穩定投資,可以係高風險博彩,次次都會有人中８串一,也有人燈哂８場都得,如何買法如何定位俾你自己是最重要,賭錢可以睇到一個人的本性,性格如何,買法也如何....記得我大約五六歲,有一次三號風球,跑快活谷日馬沙地,唔駛返學,阿爸係屋企賭馬叫我亂點隻買,老母又選隻,買咗十文連嬴,收二百五十幾,係告東尼搭劉同安,就係咁開始這條路,記得小學時老豆俾零用錢五文日,都存哂起來,幾過同學一齊買孖Ｑ,唸起都好笑,結果當然係要小息飲滾水
...哈哈.當然都有中的時候,這廿十幾年,馬仔最多個一次係中過廿十四萬,波就係十八萬,不過以前細個中咗咁多當然係洗哂玩哂啦.....
其實賭錢只是計數遊戲,發達的人也有,但仆街死也見唔少,所以希望大家都係平常心去玩這個數字遊戲,賭是娛樂是投資,同做人一樣都要有一個目標去前行,上天給運氣機會對每一人都好公平,每個人一生總有一次機會,當然未必是賭這方面,但只要好好把握,,都會有出頭天,人一生中事業,學業,家庭才是正途也是最重要。
講返主題,波不同馬,馬一日十場,中場冷T可以有嬴,四隻複式三重衫二百四可以收返一萬幾千,因為馬有倍率博,但波十場中一場,幾次你都可以乾塘.但點解現在年靑一代都只會買波?而馬投注一直下滑?問題在於度馬花的時間太多,一場十四隻,現在邊有後生有咁多時間,波又可以成班人睇,讓球兩辦感覺又易中好多,同賭場最多人玩百家樂一樣原理。
跑馬係抽水然後派彩,馬會只是抽水,但波是庄家制,佢地會有可能輸,請回來開盤坐盤都是精英,我地要長線盤佢地,各位自己就要定一條啱自已的買法,不過每個人強項都唔同彩池,首先大家要揾到自己方法提高命中率,然後就是買法,許多兄弟都會發生重心死腳中而輸錢,同跑馬中腳一樣,我自己分享一下自己的方法俾大家,我自己覺得啱我自己,兄弟參考一下。
假設自已本金是十萬,每一日我只會俾我自己買本金的百分之三,即三千,當輸剩七萬,就只能買二千一,如此累推.(當然當日早場收錢已多過全日投注,可以加番上本金上再計之後買到幾多,不過我都好少加上去,收咗就算)每日先睇盤揀波,例如是揀了5場,信心指數係自己度嗰時寫低,如我平出心水一樣,就用下面前兩天這五場當做例子,一共二十一注,可買是三千,我會先收起三千的五分一即六百,餘下二千四除二十一注,再照自己定下注數全買單場,餘下六百分開它就買兩條飛:,一條係你信心大的兩場二串一,另一條就係信心差啲嗰三場的三串四,就係咁多又簡單.只要係命中率唔太差,長線玩是有得嬴的.而又好少輸哂本錢。
不過最重要記得不要追波,波每天都有,又可必追,輸錢時就要提自己,而本金要係你自己每個月可以用的(閒錢),賭係愈窮愈見鬼的,冇錢想嬴錢救命就只會死快啲,緊記.
賭無必勝,亦無必輸,多買單場,輸少多嬴
有時間再同各位分享......晚安
"你班友,場場想我哋贏,個新球場咁貴,一月又冇錢買人,我唔輸返十幾場邊揾得返??"
"雲加,你就好,輸波又可揾錢.我咪又係輸
唉...再落去,份工都冇埋啦!教邊隊都被炒,不如去教炒菜啦"
"你估輸咁易,要强陣又唔準入空門,完之前仲整埸大龍鳳,七情上面,演技吖,
學嘢啦!輸咗一六木企係度,邊有同情分"
你兩條七六,今年係我世界,早兩年我忍咗好耐啦,今年老馬發火,
加埋七號仔咁勁,殺哂!"
"你條老鬼收皮啦!我練衝力射球都係望皇馬買我,真係為你咩!"
和 3.20 x 1 win 2.85 x 1 嘩......今日十場波....你話我知買乜好過........
全都垃圾波,揾你買...................
雲達 雙 1.75 X 4
